Waa nasiibdarro weyn in lagu kaca "plagiarism" waxa lagu yiraahda afka Englishka adoo abwaannimo sheeganaya ood waliba qabiil aad dulantay aad ku digataa.

Si kastaba ha ahaatee, anigoo aad u neceb qabyaaladda iyo qabiil caayga, waa waajib diini ah inaan tolkey difaaca marba haddii laygu soo duulay, lay dulmay oo haddana lay durqumay. Haddaba waakan gabaygii Dakaddii Kismaayood waxaana tiriyey anigoo ah Abwaanka da'da yar ee loo yaqaan Abwaan Maxamed Cabdiqaadir Daauud (Stanza).

Jawaabtii Abwaan M.  C/Qadir Da'ud (Stanza) waa tan:

Wiilyahow is-daadraaciyee, daahay magaciisa.
Maansadaadu waa daacaqurun, ma aha deelleeye.
Dagaal baan abaabuli misane, waan ku daba dhuuman.
Dubaaqaagu see kuugu diray, waa daciifnimo e?

Abshirkaad ku digateed durqumi, waa nin daahirane.
Ma daboolin magaciisa oo, diirka ka caddeeye.
Dammiirlaawe diiwaanna-xade, gabayga deelqaafshe.
Fuleynimo daraaddeed maxaa, boodhka kugu duugay?

Caligeriga daantaa dagiyo, diisha iyo hawdka.
Habaryuunistaan dariska nahay, Doollo dhinaceeda.
Nimankaan ku darandoorrin lahaa, iima duurxuline.
Inaan adiga dood kuu ceshaa, waa dabbaalnimo e.

OGAADEEN inaad doqon tiraah, doowdarnimo taase.
Waa daahfur ceebeed inaad, beeli dulantaaye.
Dayuus liita waa lagu ogaa, damaca beenaade.
Ka dabbaala dabinkaad gashiyo, daxalka aad qooshtay.

Duud ahaan Marreexaan hadduu, maanso wada diiqay.
Dakaddii Kismaayood hadduu, daakirada saaray.
Waa diiradgaabnimo inaad, diricyo maagtaane.
Dalawada dammeerkii didshaa, duufsan qaayaha e.

Doolaala adigoo ku yimid, dagalka ciiddeyda.
Adoo deyn ammaah iga qabiyo, wiilal wada doora.
Inaad laaxin ii soo dirtaa, waa dayuusnimo e.

Dakanooyin adigaa ka qaba, Dir iyo Daaroode.
Maalintaad dareyskiyo xidhneyd, dawlad sharafkeeda.
Duulki shacabka Soomaaliyeed, diirtay baa tahaye.
Ninki qaranki weynaa dunshee, daabulaa tahaye.

Adigaa diyaarada la dhacay, duubab iyo sheekhe.
Isaaq daannadaad taaratuu, dibinta ruugaaye.
Daarihii Hargeysaad ninkii, soo dunshaa tahaye.
Daarood Ismaaciil ninkii, deyn gashaa tahaye.

Habargidir ninkii deegdhabee, daashadaa tahaye.
Indhabuur ninkii dilay abwaan, doorran baa tahaye.
Digil Mirifle adigaa ka dhigay, daaddun iyo ceydhe.
Dabgalladi Majeerteen ninkii, daaqay baa tahaye.

Nindoorradi Abgaal baa dishoo, waana kugu deyne.
Adaa daris-wadaag iyo inkiray, daaqsin iyo foofe.
Doqonyahow inaad gabayda waa, doona malaggaaye.
Sow ma tihid ninkii nagu dafiray, magaca Daaroodka?

Dabkaad oogtay waa digohulaaq, dogobbadiisiiye.
Danwadaag waqeen meynan noqon, dirirna noo tiile.
Deegaanku deegaan Absamooy, cidi ka doodeyne.
Wuxuu daallanaadaba tolkey, waa ul iyo diire.

Halyeeyadi ku daandaamin jiray, wey dirdhamayaane.
Dagaal baan u heenseysannahay, hub iyo duullaane.
Baardheere guluf baan duldhigi, toban daqiiqoode.
Faafaxdhuun dan baad ooga baqan, Diilharoo idile.

Halkaan daaqi jiray wey ku dhali, Dalab hasheydiiye.
Daas iyo Harboolana mar waa, laysku dacareyne.
Dooyada Wariir baad ka noqon, deero garanuuge.
Sidaan kuu darbeyn waa taqaan, dirir colaadeede.

Isku duuban diiriga Absame, deeq Ilaah badane.
In digaag huruufaa ma aha, daafullaha aare.
Waa dabakanaax sheekadii, dulucda ceynkaase.
Dib u eeg malkaad daadisiyo, malaxda aad daacday.

Daaroodku kaa been Wallaad, igu dageyn jeere.
Dangiyahow adaa dool ku yimid, oo na daansadaye.
OGAADEEN inaad duufsan karin, wayska dayaxaase.
Waad daaci dahabkaad xaddiyo, malabki Dooxaade..

 Gabaygii Mareexaan:

Abshirow daliil gabay haddan deelka ka hinkaadsho
Deelqaafki aad tiri haddaan dood yar ka iraahdo
Anigoon dambaabaynin baan kuu dulmarayaaye

Mareexaanku dooxada Jubbu dagin uyaalaaye
Duulkaad ka sheekaysay bay daris wadaagaane
Deerkaa ukala rogan Absame taniyo Dowlowe

Doqon-diide iyo Cowramale Dir iyo shiiqaasha
Mushunguliga deexdiyo Hartida duq iyo waayeelba
Dugaag mahan oo ehelnimaan kala dugaalnaaye

Diiraro anoo joogo iyo daawo iyo gowlin
Digaal iyo anoo dowmacaan dalab ku maalaayo
Dooyaan ku tagi meelkastoo la iga doonaaye

Daaroodku waa wada dagaa Doollo iyo Howde
Danihiisa uma sheegi jirin dayday iyo tuuge
Waxaad adigu ugu duubatiyo Daahir garan waayay

Dowladnimada maantay dhacdee daqaydu naafowday
Dooxatadu markay soo gashee dumarka laynaysay
Dab inaad ridaysaan maqloo dirirtay waagiiye

Mooryaan inaad dabagashaan daabaceed helaye
Shaydaan nimuu duufsadoo daacay baad tahay
Darsin dhigo islaanimadi baad darafka joogtaaye

Nin ku dilay markuu diyo baxshaa la iska daayaaye
Isagoo dabaabaadki iyo danabki heegeeysan
Hadduu duubcad kuu soo xirtaa digasho weeyaane

 Duulaanka xamar waa qabiil loo durbaan tumaye
adiguna danaanaad u tiri nimanku waa doole
ama doolar tobanhaad cuntood u digrinaysaaye

Daroogada cagaarani aday daawa kuu tahaye
Adaa deeq ilaahay u qabay dahab islaameede
Guryahoodiii kuwaad diirateen dabato weeyaane